港超聯　破最年長出場記錄　何國泉：感覺唔陌生

晉峰周日（7日）出戰今季「中銀人壽香港超級聯賽」最後一輪賽事，於主場青衣運動場1球擊敗香港U23。當中門將何國泉今仗表現不俗，保持清白之身，成為贏波功臣之一，賽後他指對比賽感覺不太陌生，但透露因狀態問題將會退役。

現年46歲的門將何國泉，今場繼2018年5月13日再次上陣，打破港超最年長出場紀錄，更獲足總選為賽事最佳球員（POM），賽後「泉哥」直言對比賽感覺未算太陌生：「心情無咩特別，其實無困難嘅，因為我每一日都有練波，但可能係應付高波方面無咁好。今場表現ok啦，都多謝足總頒個『老人獎』畀我，好開心。」

然而「泉哥」在今場之後卻宣布退役，他表示是因為在疫情後，自身狀態有所下滑：「以往覺得自己仲好弗，體能狀況感覺同一班後生仔差唔多，無咩太大問題。但自從第4波疫情之後，幾個月完全無郁過，今季又一直操唔起，狀態無以前咁好，所以就退落嚟，但之後仲會繼續教波嘅。」