東網電視
更多新聞短片
C朗同未婚妻喬治娜已相戀7年。
最強博彩盤路過關神器《串績王》：http://win.on.cc/football/
西班牙及葡萄牙傳媒爆料，指C朗同未婚妻喬治娜已經簽訂「婚前協議」，據悉一旦兩人分手，喬治娜可以獲得C朗位於馬德里嘅豪宅，同時每月有10萬歐元(約85萬港元)「贍養費」。
C朗同喬治娜喺2016年開始戀情，1年之後女方為C朗誕下一位女嬰，喬治娜上年再誕下龍鳳胎，可惜男嬰不幸夭折。據悉C朗當時為咗陪伴喬治娜，缺席曼聯上年夏天季前操練，以致影響上季狀態及表現，最終同曼聯不歡而散。
C朗今次簽下嘅婚前協議，盛傳係由經理人佐治文迪斯負責起草，確保一旦C朗同喬治娜分手之後，財務上可以獲得妥善安排，既可以保護C朗財產，以免被「分身家」，同時亦令喬治娜有保障，達到「雙贏」。
