東網電視
更多新聞短片
格魯吉亞U21取得小組首名出線資格。
最強博彩盤路過關神器《串績王》：http://win.on.cc/football/
周三(28日)凌晨U21歐國盃A組出現戲劇性賽果，主辦國之一嘅格魯吉亞U21以1比1打和傳統勁旅荷蘭U21，爆大冷首次踢決賽周就取得小組首名出線資格，反觀荷蘭黯然出局。今場有43,043人入場睇波，刷新U21歐國盃決賽周史上單場入座人數紀錄，球迷嘅支持成為格魯吉亞創佳績最大動力。
賽前排榜首嘅格魯吉亞U21憑中場達域達舒維利入波打開紀錄，荷蘭U21踢到上半場補時由堅尼夫泰萊建功扳平。換邊之後，荷蘭狂攻對手，全場有26次射門，反觀格魯吉亞僅8次射門，但呢支東歐球隊成功頂住壓力，守和1比1，3戰獲得1勝2和，以首名出線。
格魯吉亞同羅馬尼亞合辦今屆U21歐國盃，先至憑東道主身份，首次晉身呢項賽事決賽周，估唔到表現一鳴驚人，賽後球隊上下非常激動，瘋狂慶祝，就好似捧盃一樣。
同組另一場，葡萄牙U21以2比1絕殺比利時U21，由原本排小組包尾，升上第2位，以次名出線。
