東網電視
更多新聞短片
祖奧菲歷斯去留成疑。(Getty Images)
最強博彩盤路過關神器《串績王》：http://win.on.cc/football/
「新C朗」祖奧菲歷斯同馬德里體育會徹底決裂，更加發表「反骨宣言」，聲稱自細就夢想加盟巴塞隆拿，擺明同馬體會作對。
根據「轉會權威」記者羅曼諾(Fabrizio Romano)獨家消息，祖奧菲歷斯講到前途問題時，直接了當話最想效力巴塞隆拿：「巴塞隆拿一直係我嘅首選，好想加盟巴塞，效力巴塞係我童年夢想，如果發生，就真係夢想成真。」
祖奧菲歷斯同馬體會教練施蒙尼不和，今年1月被外借去車路士，早前歸隊之後，被褫奪7號球衣，並且只能同青年軍操練，施蒙尼擺明唔會再起用呢位23歲葡萄牙前鋒。
雖然早前傳出巴黎聖日耳門有意借用祖奧菲歷斯，但都係冇下文，佢今次話要過檔巴塞隆拿，明顯想發洩對馬體會嘅不滿，逼會方盡快畀佢離隊。不過，就算馬體會放走祖奧菲歷斯，應該都唔會畀佢加盟宿敵巴塞隆拿。
