東網電視
更多新聞短片
曼聯同利物浦都想簽新中場。
曼聯同利物浦喺轉會市場蠢蠢欲動，中場更係兩隊增兵重點，不過市場上好球員供不應求，據報曼聯同利物浦都準備「打劫」對方獵物，蘇夫恩岩拉伯特同賴恩格雲貝治成為被爭奪目標。
曼聯一直視費倫天拿中場蘇夫恩岩拉伯特為頭號獵物，但據荷蘭媒體《AD》報道，利物浦買唔到摩西斯卡些度後，將會加入戰團，消息指摩洛哥國腳蘇夫恩岩拉伯特亦樂意轉投「紅軍」，只要利物浦扑槌畀3,000萬鎊(約3億港元)轉會費就可搶人。
你搶人時，人哋亦都搶番你，一直盛傳會加盟利物浦嘅荷蘭中場賴恩格雲貝治，近日突然收到曼聯斟介，轉會權威Fabrizio Romano證實曼聯同利物浦都已經同拜仁慕尼黑進行接觸，不過目前拜仁無意放人，預計3,000萬鎊轉會費可以令拜仁作出考慮。
