中場重組完成　利物浦簽賴恩格雲貝治

利物浦今個夏天中場大換班，繼簽入阿歷斯麥亞里士打、蘇保斯拉爾同遠藤航後，「紅軍」喺轉會市場完結前，再同意用3,400萬鎊(約3.4億港元)收購拜仁慕尼黑中場賴恩格雲貝治，重建計劃宣告完成。

利物浦喺夏天放走佐敦軒達臣、法賓奴、占士米拿同阿歷士張伯倫，用超過1億鎊(約10億港元)買入阿歷斯麥亞里士打、蘇保斯拉爾同遠藤航，不過領隊高普未夠喉，再斥巨資收購21歲嘅賴恩格雲貝治，並已同拜仁慕尼黑達成協議，賴恩格雲貝治將簽約5年。

賴恩格雲貝治喺阿積士成名，但上年轉投拜仁慕尼黑後未受重用，全季只係踢過3次正選，今季3場比賽只係後備上陣踢咗9分鐘。