【官宣】艾歷拜利脫「魔」加盟比錫達斯

雖然歐洲5大聯賽轉會窗已關閉，但土耳其聯賽轉會市場仲可以玩到9月15日，成為一班「失意大軍」逃生門，包括曼聯中堅艾歷拜利正式轉投土超勁旅比錫達斯，雙方簽約1年。

現年29歲嘅艾歷拜利2016年由維拉利爾加盟曼聯之後，經常受傷缺陣，會方早已打算放棄呢位科特迪瓦國腳，上季將佢外借去馬賽，今季歸隊後被投閒置散，曼聯上月中已經同意提早同艾歷拜利解約，但佢要求60萬鎊(約590萬港元)「忠誠金」，令談判陷入僵局，相信雙方近日已經達成協議，所以艾歷拜利亦落實加盟比錫達斯。

不過，比錫達斯只係同艾歷拜利簽約1年，似乎都唔係咁信任呢位「玻璃腳」。