格雲貝治拒荷蘭U21徵召　朗奴高文轟自私

夏天轉會窗關閉前加盟利物浦嘅賴恩格雲貝治，因為希望專心安頓「紅軍」嘅新生活，最近拒絕荷蘭U21國家隊徵召，不過呢個舉動就引嚟荷蘭一眾教練強烈不滿，荷蘭領隊朗奴高文亦公開批評賴恩格雲貝治，隔時影響佢喺國家隊嘅前途。

21歲嘅賴恩格雲貝治曾11次為荷蘭國家隊上陣，今輪國際賽佢獲荷蘭U21徵召，喺U21歐國外對摩爾多瓦U21同北馬其頓U21，但呢位利物浦新兵就拒絕召喚，希望可以專心安頓好喺英國嘅生活，盡快融入利物浦。

荷蘭領隊朗奴高文表示：「我哋對佢嘅決定感到失望，我哋唔鍾意見到球員拒絕為U21比賽，為國家隊比賽係義務同光榮。」荷蘭U21領隊雷斯加亦表示：「為國家隊比賽係光榮，亦可以建立你嘅名聲，唔可以只係諗自己嘅利益，你拒絕呢個機會，唔代表國家隊下次都會畀機會你，我只想要真心為國家效力嘅球員。」