賽馬會菁英盃 冠忠南區唔放過香港U23！
2024年01月30日 19:05
東網電視
更多新聞短片
賽馬會菁英盃：冠忠南區 vs 香港U23
【東網按次收費直播】
「賽馬會菁英盃」周三（31日）獨腳戲，A組冠忠南區於九龍灣公園鬥香港U23。南區今場只要勝出，就能提早一輪出線，4強席位當前，定必唔留手！。（on.cc東網周三晚上8時按次收費直播）
冠忠南區首循環分組賽與香港U23賽和，主教練楊正光希望球隊吸取教訓，不要再於形勢佔優下失分：「上次對香港U23，其實我哋踢得唔錯，只但係出現1次失誤就被佢哋入波，所以1日未完場，大家都唔可以放鬆。」「光Sir」透露部分球員有傷在身，古安奴上場兩黃一紅要停賽，調動有一定影響。
中場冨樫凌央投效南區後的處子戰，正是與香港U23交鋒，他指自己會更主動參與進攻，協助球隊贏波：「始終我加盟冇耐，要啲時間同隊友夾，所以自己落到場都會多啲出聲，幫隊友去攻門，希望今場攞到3分，鎖定4強資格。」
香港U23有雲天樂和鄭進泓兩名主力，因獲徵召入省港盃決選，是役肯定無法披甲，主教練司徒文俊承認今場困難重重：「我哋冇咗兩個主力，反而南區就有幾個代表『大港腳』踢完亞洲盃歸咗隊，今場應該比首循環更加難應付。」「司徒Sir」盼望能發揮速度優勢，為對方製造麻煩：「上次見到南區應付我哋快攻有少少辛苦，希望球員可以keep到。」
球隊陣容不整下，中堅梁煒烽勢必承擔更多責任，他稱要避免給予對方太多死球機會：「南區好多球員都好頂得，係佢哋其中一大殺着，而且史提芬彭利拿啱啱踢完亞洲盃，狀態應該好好，所以大家要打醒十二分精神去守。」
【兩隊預計正選陣容】
冠忠南區
門將：25.伍瑋謙
後衞：22.陳潤潼 12.杜馬思 6.基斯 26.陳凱柏
中場：33.冨樫凌央 15.黎格爾 19.趙聡悟
前鋒：18.艾華 7.史提芬彭利拿 28.陳傲軒
香港U23
門將：29.鄧梓朗
後衞：20.嚴啟倬 6.杜國樑 5.梁煒烽 33.宏愷志
中場：8.鄧筵霑 16.郭子堦 23.何瀧浩
前鋒：21.林智豐 10.林學曦 9.何家智