東網電視
更多新聞短片
加度素被馬賽炒魷。(Getty Images)
去年9月執教馬賽嘅加度素，領軍不足5個月，周二(19日)被球會解僱，近年多次遭炒魷。
46歲嘅加度素近年冇一支球隊教得長，佢去年9月底接過馬賽教鞭，至今僅領軍24場，取得9勝8和7負成績，勝率為37.5%，球隊現時排法甲第9位。
上場0比1輸畀比斯特，馬賽已經7場不勝，報道指會方認為加度素主導嘅442陣式效果差劣，而加度素本人都承認無法扭轉敗局，最終被解僱。
加度素近年執教生涯好唔穩定，3年前被拿玻里辭退，接手費倫天拿教鞭唔夠1個月就離任，去年轉戰西甲執教華倫西亞，僅執教7個月被炒，而今次嚟到法甲，不足5個月落鑊。
不過加度素好快會返新工，因為早前有傳聞意甲拖連奴今夏換帥，加度素係熱門人選，可謂屢敗屢戰。
