東網電視
更多新聞短片
杜斯亞與越南足總提前解約。(Getty Images)
越南上場世盃外主場淨吞印尼3蛋，出線機會渺茫，據報越南足總決定同領隊杜斯亞提前解約，補番3個月人工送佢走。
越南喺世盃亞洲區第2圈F組同伊拉克、印尼、菲律賓同組，伊拉克4戰全勝提前出線，印尼上場大炒越南後有7分排第2，越南4戰1勝3負得3分排第3，菲律賓1分排第4，越南同印尼最後2輪同樣要對菲律賓同伊拉克。
現時形勢，越南落後印尼4分之多，後上出線機會渺茫，因此越南足總果斷出手，同尚餘兩年約嘅杜斯亞解約，雙方達成協議補償3個月人工，即40億越南盾(約133萬港元)。
69歲嘅法國籍教練杜斯亞，執教生涯周遊列國，喺亞洲就教過日本同卡塔爾，曾幫日本捧足亞洲盃，不過已經係24年前嘅事。
