穩中求勝睇定食 彭美拉斯做「細」界
2024年03月28日 19:02
東網電視
更多新聞短片
彭美拉斯今屆賽事發揮四平八穩。(Getty Images)
巴保聯4強上演「甲乙對抗」，巴甲球隊彭美拉斯主場迎戰乙組仔路禾利桑天奴。兩軍雖然整體實力有差距，但近況旗鼓相當，加上以一戰定生死，預料雙方都會踢得比較謹慎，避免犯錯冇仇報。翻查兩隊近4次交鋒，有3次總入球開出2球或以下，主W太熱冇肉食，寧願博中位數2.5球嘅入球細。（周五早上8時35分開賽）
彭美拉斯今屆賽事發揮四平八穩，其中分組賽12戰取得8勝4和，以首名出線，但教練列度費拉拿嘅戰術偏向保守，導致入波及失波數字較少，近10場有7場總入球係2球或以下，更何況來到4強，距離決賽只有一步之遙，為免功虧一簣，相信彭美拉斯會繼續以穩陣踢法應戰，就算贏都係小勝居多。
至於路禾利桑天奴表現令人驚喜，上仗8強同傳統勁旅聖保羅打和1比1，最終憑互射12碼淘汰對手，創造冷門賽果。路禾利桑天奴已經擁有踢走強隊嘅經驗，可望進一步提升今仗晉級信心，有力同彭美拉斯抗衡，以路禾利桑天奴硬淨作風，開細機會甚高。
更多賠率：