東網電視
更多新聞短片
阿仙奴嚟緊周日英超要硬撼「藍月亮」曼城，賽前傳出好消息，有指久傷初愈嘅「萬能老倌」祖利安添巴，有機會喺呢場大戰進入比賽名單，隨時候命。
上年夏天先從阿積士加盟嘅添巴，開咧首場聯賽對諾定咸森林即傷出，之後證實其膝頭韌帶撕裂，至少要抖半年，非常黑仔。好彩呢位22歲荷蘭國腳康復進度良好，喺上月尾已經正式復操，據報如果狀態操起，唔排除可在對曼城之戰候命，添巴可踢左閘、右閘及防中，若果佢及時出得，對主帥阿迪達臨場調動有一定幫助。
