【有片】添巴復出即入靚波 阿仙奴等緊佢
2024年04月23日 13:02
東網電視
更多新聞短片
添巴已養傷超過8個月。
阿仙奴季前重金收購荷蘭國腳祖利安添巴，點知佢今季開鑼戰即重傷，養傷超過8個月後，周二(23日)凌晨為阿仙奴U23上陣磨練，結果復出後8分鐘即轟入靚波。阿仙奴左閘位置今季出現漏洞，添巴復出有望成為及時雨。
22歲嘅添巴可以踢晒左右閘同中堅，重傷前喺阿仙奴就踢左閘為主，今仗為U23上陣亦出任左閘，表現相當活躍，8分鐘佢喺左邊犄角位接應長傳，360度轉身扣大位，右腳射門正飛死角。添巴今場只係踢咗45分鐘，但表現大獲好評。
阿仙奴今季左閘變動甚大，辛真高、積及基奧柯同富安健洋近期輪流踢，顯示領隊阿迪達未有心水人選，佢早前亦表示添巴係佢戰術重要棋子：「喺阿仙奴嘅體系入面，冇一個後衛有添巴嘅進攻影響力，佢可以踢2到3個位置，我哋會有唔同嘅方式用佢。」