東網電視
更多新聞短片
雲天樂（綠衫）表現突出。（鄧文滔攝）
1/3
香港U23周日（19日）在「中銀人壽香港超級聯賽」，爆冷以1比0擊敗均業北區，取得本季第2場聯賽勝仗，在賽事中屢獻撲救的雲天樂（Michael）形容這場勝仗，是全隊努力的成果。
香港U23對上3場聯賽全敗兼失17球，到今場終於成功止敗兼再度脫離榜末，Michael賽後受訪時不禁留淚，指是役獲勝證明球員努力沒有白費：「今日贏波係全隊搏番嚟，證明香港U23唔係一無是處，只要我哋肯努力，絕對可以同其他港超球隊鍊過，爭取更高排名。」
Michael早前在聯賽慘吞標準流浪5蛋後，在社交平台發文，稱對不斷面對大敗感到失落，外界亦紛紛向其表達支持，盼他繼續堅守足球夢，他不忘向身邊人致謝：「呢幾個月好似坐緊過山車，喺聯賽贏咗晉峰之後幾場，都被人大炒，所以好多謝屋企人、教練團同隊友，喺低谷嘅時候繼續支持我，之後會繼續努力。」
雲天樂（綠衫）下半場勇救羅港威埋門。（鄧文滔攝）
雲天樂（綠衫）賽後非常激動。（鄧文滔攝）
