水晶宮斟貝迪斯中堅　巴塞插手

水晶宮季尾最後7場錄得6勝1和走勢，來季英超隨時發圍兼起啤，據報佢哋近日斟介貝迪斯20歲中堅查迪列特，其身價估計為1,500萬鎊(約1.49億港元)，其原屬球會巴塞隆拿亦打算介入。

查迪列特是巴塞青訓產品，今季外借到貝迪斯，上陣30場，亦是新晉摩洛哥國腳，上陣2場，由於表現出色，獲水晶宮睇中斟介，據報準備開價1,000萬鎊另加獎金(約9,940萬港元)。

水晶宮現有中堅馬克古希今季表現優異，最近更入選英格蘭歐國盃初選名單，獲多間豪門賞識，會方已準備歐國盃後將其高價出售，假如馬克古希被高價挖走，就會用查迪列特代替。

除咗水晶宮，巴塞隆拿亦準備激活收回條款，收回該小將，不過佢哋收回之後，會自己用定再轉售圖利就唔清楚。