烏克蘭感人操練 13球星拍片籲關注俄烏戰事
2024年06月14日 19:02
東網電視
更多新聞短片
烏克蘭首戰會對羅馬尼亞。(烏克蘭官方X圖片)
仍受「俄烏戰爭」影響嘅烏克蘭，將會出戰今屆歐國盃賽事，周四(13日)喺德國進行首課操練，有數千名流亡德國嘅烏克蘭人到場聲援，場面感人。烏克蘭足總亦發布影片，辛真高、梅迪歷等13名國腳呼籲球迷關注烏克蘭嘅情況。
烏克蘭球員操練期間，先播出烏克蘭國歌，之後每名球員都將一個足球送畀到場球迷，隊長辛真高就將個波送畀一名膝頭以下裝上義肢嘅退伍軍人，場面感人。身處E組嘅烏克蘭，將會喺下周一(17日)對羅馬尼亞。
喺歐國盃展開前，烏克蘭足總亦發布一段影片，辛真高、梅迪歷、薩巴尼爾、盧連等13名球員，拍攝影片講述烏克蘭被戰爭摧殘嘅情況，並配上標語：「我們祖家也想主辦歐國盃，但他們正在戰鬥，不是為歐國盃而戰，而是為自由而戰。」