東網電視
更多新聞短片
摩連奴(右)同費格遜(左)合照放上社交網。
1/2
周六(15日)凌晨歐國盃揭幕戰，德國對蘇格蘭，場內戰情固然精彩，觀眾席上亦星光熠熠，兩位前曼聯領隊費格遜同摩連奴都有入場睇波，「寸王」變身費Sir「粉絲」，同佢合照放上社交網，話：「同蘇格蘭傳奇一齊，偉大人物」。
費格遜係前蘇格蘭國腳，亦執教過蘇格蘭國家隊，梗係要入場為蘇軍打氣，可惜睇住愛隊大敗1比5，感覺相當無癮，幸好身邊仲有摩連奴傾偈解悶。雖然唔知兩人傾咩，但唔少球迷認為佢哋一定有討論曼聯今季表現，亦有可能交流教波心得。
摩連奴2016至18年執教曼聯期間，費Sir曾經建議佢簽入前熱刺中場迪利阿里，但並冇成事，「寸王」早前成為土耳其球隊費倫巴治教練，唔知費Sir今次有乜「靚貨」推介呢？
費格遜、摩連奴入場睇歐國盃揭幕戰德國對蘇格蘭。(Getty Images)
