基沙文連環失機　做法國隊長成詛咒

法國喺基利安麥巴比缺陣下，隊長臂章再次落喺老將基沙文手上，不過呢位前鋒今場連番失機，而且佢歷來5次擔任法國隊長，球隊竟然從未贏過波，慘成「黑腳」。

基沙文今場第32次喺國際大賽(世盃、歐國盃)上陣，追平杜林嘅法國紀錄，但係佢嘅表現就令人失望，上、下半場各有一次龍門口幾碼失機。統計顯示，今次係基沙文第5次擔任法國隊長，成績係3和2負，成為法國史上「最長不勝隊長」。

呢位33歲球星賽後表示：「我有兩次黃金機會都把握唔到，實在令人遺憾，把握力亦係我哋頭2場比賽所欠缺嘅嘢，需要加以改進。防守上我哋好好，戰術亦都冇問題，唯一欠缺就係入波，我哋要保持冷靜，入球遲早都會出現。」