法國又出事　京士利高文都受傷

歐國盃爭標熱門之一嘅法國又出現傷兵，繼隊長基利安麥巴比撞爆鼻之後，另一位翼鋒京士利高文都受傷，可能缺陣周三(26日)凌晨最後1場分組賽對波蘭。

京士利高文首場分組賽對奧地利，並冇上陣，上場對荷蘭，等到75分鐘後備入替奧士文尼迪比利。根據法國《隊報》爆料，雖然呢位拜仁慕尼黑球星只係踢咗15分鐘，但卻不幸整傷小腿，缺陣早前練習賽，至於能否上陣對波蘭，仍然要等最後檢查結果，先至可以決定。

法國踢2場分組賽有4分在手，只需要打和波蘭，就可以出線，加上波蘭已篤定出局，戰意成疑之下，法國應該可以順利取得分數晉級。