東網電視
更多新聞短片
厄瓜多爾以小組次名進身8強。
周一(1日)早上美洲國家盃B組最後1輪上演生死戰，非勝不可嘅墨西哥只能同厄瓜多爾打和0比0，無法出線，厄瓜多爾獲得4分，以小組次名進身8強，將會面對上屆冠軍阿根廷。
賽前兩隊同樣有3分，墨西哥淨得球少對方1球，必須贏波先至可以出線，呢支北美洲勁旅全場多達18次射門，但只有3次中目標，效率非常低。戰至補時5分鐘，墨西哥前鋒古利姆馬天尼斯殺入禁區後跌倒，球證原本判12碼，睇完VAR之後取消判決，墨西哥失去絕殺機會，注定要出局。
另一場，賽前已獲得出線權嘅委內瑞拉以3比0大勝牙買加，以3戰全勝取得小組首名，將於8強對加拿大。
