柏迪原諒卻奧斯　巴塞隆拿獲賠償

西班牙中場柏迪喺歐國盃8強重傷離場，今屆餘下賽事都唔能夠再參加，「兇手」卻奧斯喺賽後作出公開道歉，柏迪喺周日(7日)就表明已經原諒呢位德國傳奇。

卻奧斯嘅粗暴攔截，令柏迪左膝重創要抖4至6個星期，卻奧斯事後喺社交網上道歉：「請柏迪原諒，我絕對冇心傷害你，希望盡早康復，你係一個偉大球員。」

21歲嘅柏迪周日就回覆：「多謝卻奧斯嘅訊息，呢啲事(受傷)喺足球比賽難以避免，你嘅足球生涯同紀錄將會永垂不朽。」

另外，根據歐洲足協賠償機制，如果球員因踢國家隊而受傷28日或以上，球會每日可獲20,500歐元作補償，柏迪受傷隨時令巴塞獲賠86萬歐元。