港超聯　重返頂級聯賽　曾錦濤：好夢幻！

九龍城周四（18日）舉行開操儀式，其中跟隨球隊衝超的曾錦濤，對今季能再度征戰頂級聯賽感到夢幻，加上「阿濤」及其太太預計到9月迎接新生命，使他形容2024年充滿驚喜。

曾錦濤上季從理文轉投九龍城，他承認起初未有重返港超的打算，惟季後與管理層討論後，決定跟隨球隊升班，幫助年輕球員成長，加上他於9月將成為「新手爸爸」，使「阿濤」認為2024年過得非常夢幻：「本身落去踢甲組，就係想轉型做教練，點知近呢幾個月咁多好消息，首先今季可以踢番頂級聯賽，自己又就快做Daddy，好似發緊夢咁。」

「阿濤」效力香港08期間，曾與陳銘剛做隊友，他直言對方本季擔任九龍城主教練，是自己決定重返港超的其中1個因素：「雖然我同『阿剛』（陳銘剛）淨係做過1季隊友，但我哋關係不嬲好好，所以當知道佢做球隊主教練，就想留低幫佢帶住班仔。」談到球隊羅致迪高及袁皓俊等前理文隊友，他指當中部分球員過去上陣時間較少，盼在九龍城發揮應有水準「爭番啖氣」。