港超聯　來季轉任助教　福保羅：係時候抖吓

過去兩季俱效力港會的前「大港腳」成員福保羅，於今季退役並正式轉任助教，他於周三(31日)開操前受訪，慨嘆身體已經難以應付頂級聯賽強度，因此決定退役，幫助港會培養年輕球員。

41歲的福保羅前季起加盟港會，不時為球隊取得關鍵入球，但他坦言從上季起，感受自己難以再跟上比賽節奏，因此決定結束職業生涯：「如果有得揀，一定想繼續踢落去，但身體開始唔聽使，所以我覺得係時候退落嚟，好好抖吓。」

過去一直有在港會任教足球班的福保羅，有信心自己能適應新崗位，幫助隊內一眾年輕球員成長：「其實上季開操冇耐，我已經開始幫手統籌訓練，加上之前都入過傑志教練團取經，應該唔難適應，而且盧比度呢幾年喺東方教到有聲有色，證明靠後生仔都可以踢出好成績，所以我對今季前境唔擔心。」