東網電視
更多新聞短片
迪斯高近2場歐聯入4球。
周三(31日)凌晨歐聯第2圈外圍賽次回合，費倫巴治主場以2比1反勝盧加諾，兩回合合計贏6比4，晉級第3圈鬥法甲球隊里爾。38歲老將迪斯高繼首回合上演「帽子戲法」後，今場又入1球，兩戰有4球進帳，果然老而彌堅。摩連奴執教費倫巴治後，2場正式賽事都贏波，有王者再臨之勢。
費倫巴治首回合作客贏4比3，今仗主場出擊，反而開賽7分鐘就落後，總比數被盧加諾扳平，兼有中場費特31分鐘傷出。摩連奴發揮名帥功架，下場一開波就作出「神換」，派出恩達斯上陣，呢位中場不負所托，59分鐘開出罰球，由迪斯高頂入扳平，戰至補時，施文斯基近門射入，協助費倫巴治贏2比1「雙殺」盧加諾。
對於費倫巴治艱辛險勝，摩連奴話最重要係晉級：「我唔係想每場都贏，只係想晉級，就算今場打和1比1，我都會好高興，我哋明天將於喺泳池邊休息2小時，跟住就要備戰下輪歐聯對里爾。」呢位「寸王」透露早已經研究里爾踢法，似乎胸有成竹。
