高普加盟薩克達？真相原來係咁

因為一張相片，網上瘋傳前利物浦領隊高普加盟烏克蘭勁旅薩克達，原來係人有相似，薩克達發表聲明，指相中人係球隊嘅按摩治療師Ihor Grshkovich，並非高普。

從相中可見Ihor Grshkovich嘅髮型顏色、面形五官，都同高普非常相似，並且戴眼鏡及留鬚，霎眼間一睇，的確令人以為佢係高普，加上呢位德國名帥剛開利物浦，進一步令人以為佢轉投薩克達。

由於傳聞不斷發酵，薩克達最終發聲明澄清話：「佢唔係高普，佢係我哋嘅按摩治療師Ihor Grshkovich。」不過，唔少網民拒絕收貨，仲要求薩克達交代「真相」。

其實以高普嘅級數，恐怕薩克達請唔起佢，更何況佢早前暗示可能退休，肯定唔會短期內復出教波。反觀Ihor Grshkovich因為今次「美麗誤會」一炮而紅，隨時成為各大豪門搶奪目標。