馬龍受訪隊友做佈景板　神還原香港小學生訪問

早前香港小學生派位一段訪問片「讀書是我本份」紅遍香港網絡，想不到巴黎奧運中國男子乒乓球隊將此情景「神還原」，老大哥馬龍接受香港傳媒訪問期間，兩位隊員王楚欽同樊振東站在後面整古做怪，反而成為焦點，令港人啼笑皆非。

中國男團在4強擊敗法國隊後接受香港傳媒訪問，老大哥馬龍成為當然發言人，但兩位隊員王楚欽同樊振東站在後面毫不專心，王楚欽無聊地撥弄頭髮，樊振東就玩指甲，當馬龍講完自己睇法，準備將個咪交畀樊振東，樊振東就笑住叫馬龍繼續，然後同王楚欽相視而笑，呢個場面，令人想起早前香港小學生派位嘅訪問片段，幾乎一樣。

另邊廂，有片段流傳一名法國小童在場邊向馬龍索取簽名，當拿到簽名後，該小童激動抱頭，據報仲喊咗出嚟，可見馬龍在乒乓球場人氣極高。