【西甲】貝迪斯打「羅」大盤放心捧
2024年08月15日 20:00
東網電視
更多新聞短片
貝迪斯主場對基羅納。(Getty Images)
西甲首輪另一場精彩戲碼，就係貝迪斯主場迎戰上季神奇球隊基羅納。兩隊都係西甲嘅歐洲賽代表，實力當然有番咁上下，而且大家嘅踢法非常進取，近年交手經常演出入球騷，今場預計都係娛樂性十足，2.5球入球大放心捧場。（Now 632周五凌晨3時30分直播）
基羅納上季以第3名成績衝線，取得歐聯參賽資格，教練米高嘅主攻型踢法大獲好評，全季入波僅比冠軍皇家馬德里少2球。基羅納季前雖然有主力離隊，但佢哋亦簽入拜恩基爾、艾比雷斯等高質攻擊手，相信會繼續奉行進攻足球理念。
貝迪斯雖然有老將艾斯高仍養傷，不過仲有費基亞同新加盟嘅馬克洛卡孭飛，進攻創造力唔弱，而且主場出擊威力強勁，今季首度出師當然希望先聲奪人。睇番兩隊近5次交手，有4次總入球開3球或以上，今仗必捧2.5球嘅大盤。
更多賠率：