一個原因　沙夏睇好C朗將來做曼聯領隊

曼聯名宿沙夏近日接受傳媒訪問發表偉論，認為葡萄牙巨星C朗將來可能重返紅魔鬼，擔任領隊，因為佢嘅激情及奉獻精神，正係曼聯最需要嘅元素。

沙夏球員時代曾於2004至08效力曼聯，同C朗做過隊友，佢話：「C朗擁有無比激情及奉獻精神，將來可以成為1位好領隊，佢第2度效力曼聯，結局之所以令人失望，因為佢睇唔到年輕球員應有嘅激情，當佢將來做領隊，可以用更好方式同球員溝通，將激情同活力帶畀球隊，如果C朗有朝一日擔任曼聯主帥，我並唔會意外。」

不過，39歲嘅C朗兩年前同曼聯不歡而散，就算佢將來掛靴做教練，恐怕未必願意回巢。