東網電視
更多新聞短片
Luana Alonso曾經表示，自己是尼馬的球迷。
1/6
巴拉圭女泳手Luana Alonso喺巴黎奧運舉行期間，被指喺選手村內穿着過於暴露，以及同其他運動員太過親密，被巴拉圭代表團驅逐出選手村，因而聲名大噪。呢位性感尤物近日又有搞作，話巴西球星尼馬曾經透過社交網Instagram「私訊」佢，似乎暗示呢位射手嗒佢糖。
Luana Alonso接受巴拉圭一間電台訪問時話：「佢(尼馬)曾經私訊我，我只可以講咁多。」Luana講啲又唔講啲，被網民指佢想借尼馬過橋，自製緋聞提升人氣。
其實Luana Alonso早於2022年已經表示，自己係尼馬嘅球迷，尼馬亦曾經讚好Luana Alonso社交網相片，令佢極之興奮，周圍晒命，依家直情話尼馬想溝佢。
Luana Alonso經常喺社交網上載性感相片，吸引大量粉絲，佢嘅Instagram有近100萬追隨者，其實可以轉行做網紅，甚至進軍娛樂圈。
Luana Alonso的Instagram有近100萬追隨者。
Luana Alonso有份參加巴黎奧運。
Luana Alonso被指在選手村內穿着過於暴露。
Luana Alonso經常在社交網上載性感相片。
Luana Alonso身材火辣。
