東網電視
更多新聞短片
華拉尼(中)僅為科木上陣1次就受傷。
華拉尼今夏約滿離開曼聯，加盟意甲新升班球隊科木，但喺8月12日意大利盃首次上陣，踢咗23分鐘就受傷一直缺陣。根據意大利媒體《慢鏡頭》報道，呢位31歲法國中堅並冇份註冊為今季意甲球員，面臨被科木解約。
華拉尼因為膝部受傷，需要休息2至3個月，照計11月應該可以復出，但科木冇為佢註冊為意甲球員，就令人懷疑會方有意放棄呢位球星，畢竟科木只屬於細球會，唔可能養住1位高薪傷兵。
科木教練法比加斯並冇否認華拉尼可能解約，佢話：「華拉尼身處馬德里養傷，我哋等緊同佢對話，了解佢嘅想法，至於解約問題，我唔可以為佢做決定。」華拉尼同科木簽約至2026年夏天。
