行啱「脫魔」之路　安祖高美斯暗示回歸英超

英格蘭新帥卡斯利首份國家隊名單，首次入選嘅安祖高美斯係焦點之一，呢位曼聯青訓球星3年前毅然選擇「脫魔」，去到里爾後終於踢出我天地，實現入選英格蘭國家隊嘅願望。安祖高美斯更自爆已到英超球會聘約，傳聞明年1月就會回歸英超。

安祖高美斯回憶當年決定離開曼聯：「我6歲就加入曼聯，要離開去闖一個未知世界總係困難，但我知道只要堅持落去，最後都會做到我想做嘅事，依家睇番一切都係值得。」安祖高美斯喺英格蘭U21嗰陣一直係卡斯利愛將，相信會繼續得到重用。

安祖高美斯同里爾只剩1年合約，而佢亦無意續約，里爾好大機會明年1月將佢賣走，傳聞熱刺對佢好有興趣，呢位24歲球星自爆：「我已經收到(英超球會斟介)，但我相信喺合適嘅時間同條件下，一切事情都會自然發生，我會輕鬆面對轉會嘅事。」