巴西世盃外又輸波　會唔會出唔到線？

周三(11日)朝早世盃南美洲區外圍賽，巴西表現持續不振，作客0比1輸畀巴拉圭，近5場世盃外只得1勝4負，依家已經跌到落第5位，令球迷不禁質疑：巴西有冇可能出唔到線？

巴西今仗繼續排除雲尼斯奧斯祖利亞、洛迪高高斯同安迪歷嘅夢幻鋒線，但全場只得6次射門同3次命中目標，巴拉圭就喺20分鐘由迪亞高高美斯轟入世界波，1比0擊敗巴西。

過去從未缺席過任何一屆世界盃嘅巴西，外圍賽一直被當「例行公事」，特別係2026世盃增加到48隊，得10隊參賽嘅南美洲區，竟然有6隊直接出線，第7名都可以踢附加賽，即係唔做尾3隊就有機出線。

不過巴近5輪4敗後情況尷尬，依家8戰得10分排第5位，但只係比第8位(出局位置)嘅玻利維亞多1分，數字上非常危險。領隊杜利華祖利亞賽後失望表示：「頭45分鐘係我上任以來最差嘅表現，我哋需要更加穩定。」