東網電視
更多新聞短片
丹尼爾馬甸尼(左)今季表現大勇。(Getty Images)
1/2
意大利今屆歐國盃表現令人失望，領隊史巴列堤近期積極為球隊注入新血，呢位「光頭名帥」事先將揚，將會徵召名宿馬甸尼嘅囝囝丹尼爾馬甸尼，出戰10月兩場歐國聯賽事。
史巴列堤出席一項慈善活動時透露新一期大軍名單，並指名22歲蒙沙進攻中場丹尼爾馬甸尼、20歲羅馬中場比斯利將會入選：「現時有唔少優秀年輕球員冒起，佢哋將來可以喺國家隊擔任重要角色，丹尼爾馬甸尼，比斯利已列入初步名單，當然亦會有其他新臉孔加入。」
丹尼爾馬甸尼屬於「星三代」，爺爺施薩馬甸尼、爸爸馬甸尼都係AC米蘭傳奇後衞，佢自細加入A米青年軍，但升上一隊後不受重用，僅上陣24次入1球，大部分時間被外借，今夏正式被蒙沙買斷，成為正選主力，並有1球進帳。
至於比斯利今季迅速冒起，上場意甲為羅馬射入反勝1球，以2比1擊敗威尼斯，被指踢法似名宿迪羅斯。
比斯利(左)今季迅速冒起。(Getty Images)
