阿迪達戰術曝光　針對蘭斯達爾弱點？

阿仙奴周六(5日)英超，主場3比1反勝修咸頓，比賽期間有鏡頭影到領隊阿迪達手上嘅「貓紙」，發現佢哋今場有3大戰術重點，其中一項更係針對倒戈嘅門將蘭斯達爾。

阿迪達戰術多變，今次曝光嘅「貓紙」上面寫住3大「宗旨」，不過有2點被阿迪達手指遮住，只係見到「防止轉向...」、「逼我哋...」，而第1點「逼AR(蘭斯達爾)6碼」就清晰可見。雖然實際嘅戰術詳情係點不得而知，但明顯係睇準蘭斯達爾弱點而製定。

今夏由阿仙奴轉會修咸頓，蘭斯達爾今場3個失球都冇太大責任，而且仲救出幾次險球。呢位英格蘭國腳賽前熱身，獲酋長球場嘅球迷熱烈歡迎，佢亦一度忍唔住流淚，賽後亦同阿迪達以及大衞拉耶聚舊，似乎再見亦是朋友。