東網電視
更多新聞短片
祖利奧安斯素係白禮頓重點栽培新星。(Getty Images)
效力白禮頓嘅20歲新星祖利奧安斯素，日前飛去巴拉圭準備踢世界外嗰陣，喺飛機上突然暈倒，全靠機上乘客及時搶救先冇事。自稱「幾乎冇命」嘅安斯素據報已經冇事，更有機會喺周五(11號)作客厄瓜多爾嘅賽事候命。
今季英超5次後備上陣嘅安斯素，向巴拉圭報到後回憶呢段「九霄驚魂」：「我個頭好痛，覺得自己就嚟死，而且仲喺飛機上暈倒。當時全身冇力，食唔到又瞓唔到，有一下我去廁所覺得要跌倒，有個人拉住我去飛機前方，畀我飲可樂同一款日本湯後，我先至覺得好轉。」
據報安斯素已經冇乜大礙，甚至準備喺嚟緊兩場世盃外上陣。巴拉圭目前喺南美洲區排第7位，有機會拎到前6名嘅決賽周資格，周五對厄瓜多爾同下周對委倫瑞拉兩場「同級大戰」非常關鍵。
