易建聯疑似嫖妓　被影裸照及身份證放上網

內地網上瘋傳中國著名籃球員易建聯疑似嫖妓，並被女方影下裸照及身份證，根據該名女子嘅通訊對話紀錄，今次「肉金」為1,500美元(約11,700港元)。

從截圖可見一位貌似易建聯嘅高大男子全裸彎腰，似乎睇緊手機，所以被人影咗相都唔知，同時影埋身份證，清楚睇到易建聯相片及出生年月日「1987年10月27日」。該名涉嫌影相嘅妓女，透過通訊程式將相片傳畀朋友，講明相中男子係易建聯，今次「肉金」為1,500美元。

現年36歲嘅易建聯係中國最著名籃球員之一，名氣僅次姚明，曾經效力美國NBA密爾沃基公鹿等球隊，4度為中國参加奧運，3度贏得亞洲盃，現已退役。