東網電視
更多新聞短片
施洛。
施洛今季繼承高普陣容，為利物浦取得美滿開局，不過施洛唔係高普樣樣嘢都全盤接收，例如高普舊居，施洛就拒絕咗。據報高普舊居係利物浦物業，施洛唔肯住，「紅軍」就將呢套價值400萬鎊(約4,000萬港元)嘅豪宅放盤出售。
英國傳媒報道，高普離隊後，球會租畀佢嘅大宅亦同時交還，施洛上任後同妻子曾經睇過樓，但冇選擇入住，住咗另一個地方，利物浦唔想丟空間屋浪費資源，決定將其出售。
該幢大宅同利物浦多位重要人物都有交集，2005年由傳奇隊長謝拉特買入，2015年謝拉特轉戰美職，就將大宅出售予時任主帥羅渣士，雖然羅渣士買樓後不久被解僱，但仍保留物業並出租予新任主帥高普，直至2019年利物浦買入大宅，再免費租畀高普至今。
