東網電視
更多新聞短片
馬歷添文(右)今場射入1球。(Getty Images)
周三(6日)凌晨歐聯，燕豪芬主場以4比0大勝基羅納，踢到第4輪終於打開今屆勝利之門，首度參加呢項大賽嘅基羅納今場又有球員擺烏龍，呢支西甲球隊今屆已經出現4球烏龍波，成為歐聯史上單屆最多次擺烏龍嘅球隊。
荷甲球隊燕豪芬前3場歐聯僅2和1負，今仗由法拿明高、馬歷添文、約翰巴卡約高各建一功，加上基羅納中堅卡積治擺烏龍，取得大勝。至於基羅納今屆歐聯4戰僅1勝3負，當中只係贏過弱隊施洛雲2比0，實力明顯唔夠班。
最令基羅納尷尬係踢4場歐聯已經4次擺烏龍，刷新賽事紀錄，中堅卡積治包辦其中2球烏龍波，估唔到基羅納最大對手竟然係自己友。
