東網電視
更多新聞短片
哥迪奧拿成為下任巴西主帥大熱。(Getty Images)
巴西近年國際賽成績欠佳，該國足總曾經計劃邀請皇馬教練安察洛堤領軍，但未能成事，依家又準備出手搵名帥執教。根據《The Athletic》爆料，巴西足總力斟曼城領隊哥迪奧拿，等佢明夏約滿後，執掌「森巴兵團」帥印。
哥迪奧拿仍然未同曼城續約，加上佢曾經透露有意執教國家隊，一度傳出英格蘭準備聘請佢擔任主帥，但最終選擇杜曹。《The Athletic》指巴西少咗「三獅兵團」競爭，正好把握機會，邀請哥迪奧拿明夏擔任主帥，領軍出戰2026年世界盃。
事實上，早於2年前已經傳出巴西足總想請哥迪奧拿執教，可見有關方面一直非常欣賞呢位西班牙名帥。巴西現時喺世界盃外圍賽10戰只有5勝1和4負，排南美洲區第4位，現任領隊杜利華祖利亞面臨下台壓力。
