東網電視
更多新聞短片
麥班古拿今季為祖雲達斯上陣7場意甲，射入1球及3次助攻。(Getty Images)
比利時國家隊出現傷兵潮，翼鋒謝利美杜古、基迪拿尼、中場馬歷基科芬拿、後衞薩斯都因傷退隊，領隊泰迪斯高焗住大幅度更換球員名單，包括補選效力祖雲達斯嘅20歲翼鋒麥班古拿，呢位新星首次獲得徵召，有望趁機上位。
比利時4位獲補選球員分別係麥班古拿、法美倫、森比盧干加、基利安沙迪拿，當中U21小國腳麥班古拿首次晉身大國腳，呢位翼鋒今季有出色表現，為祖雲達斯上陣7場意甲，射入1球及3次助攻，屬於填補謝利美杜古位置嘅最佳人選。除咗謝利美杜古之外，另1位曼城球星奇雲迪布尼亦冇入選，難免削弱中場組織力。
比利時將於11月15日凌晨歐國聯主場對意大利，3日之後喺中立場對以色列。比利時餘下2場必須全勝，先至有機會出線。
