東網電視
更多新聞短片
法國0比0打和以色列。(Getty Images)
周五(15日)凌晨歐國聯法國主場對以色列，因政局問題而被列為「高危」賽事，法國派出大量警力同保安維持秩序下，雖然看台上仍發生衝突場面，但未有大規模騷亂，法國最終同以色列悶和0比0。
上星期特拉維夫馬卡比作客阿積士嘅歐霸盃，阿姆斯特丹爆發大型反猶太人暴力事件，令今場歐國聯氣氛緊張。法國動用「1警察對3球迷」嘅龐大警力維持秩序下，看台上雖仍有零星衝突，但好快就被平息，未有出現嚴重事故。
據報有約100名以色列球迷入場，佢哋賽前拎住黃色氣球，高呼「釋放人質」，要求哈馬斯放走被囚嘅以色列人質，法國總統馬克龍今場亦有入場觀戰。
法國喺王牌前鋒基利安麥巴比缺陣下，全場22次埋門都入唔到波，最終同以色列悶和0比0，喺A2組4戰得10分排喺次席。
