【世盃外】日本鬥印尼 免費台直播
2024年11月15日 13:01
東網電視
更多新聞短片
世盃外亞洲區第3圈C組，印尼主場迎戰日本。
世盃外亞洲區第3圈C組，印尼主場迎戰「1哥」日本，牌面上兩隊實力有極大距離，不過印尼近年進步神速，特別係喺主場出擊非常硬淨，「大把喺手」嘅日本未必需要採取強攻戰術，上半場可以睇定嚟食，戰況預料會較為平淡，開1.5球半場細機會高。（港台電視32周五晚8時直播）
印尼目前4戰只得3分，出線機會唔大，不過佢哋4輪比賽有3場打和，要擊倒佢哋亦非易事。印尼近5場主場比賽，有4場能夠保持不失，單計上半場更加未失過波，5仗半場全開1球或以下，包括喺9月以0比0悶和勁旅澳洲嘅「代表作」。以印尼球員嘅體能同戰意，上半場精力充沛下，絕對可以頂住日本侵襲。
日本上輪打和澳洲1比1，4戰3勝1和高踞榜首，出線形勢大好。「瀛男」自知實力超班，近期比賽都唔急於搶攻，上半場先求控制局勢再伺機進攻，尤其主力前鋒上田綺世因傷落選，更加唔會輕率行動。日本對上3場世盃外，半場總入球全開1球或以下，今場一於再追1.5球半場細。
更多賠率：