東網電視
更多新聞短片
瑞典兩大前鋒威力驚人。(Getty Images)
周日(17日)凌晨歐國聯C1組賽事，瑞典主場2比1擊敗斯洛伐克，取得升上B組聯賽資格。瑞典「夢幻組合」約基利斯同阿歷山大伊沙克今場互相合作入波，堪稱係當今歐洲最佳前鋒組合之一。
贏波就肯定升班嘅瑞典，3分鐘由伊沙克交出靚直線，約基利斯快放射入先開紀錄，雖然斯洛伐克19分鐘追平，不過48分鐘瑞典夢幻組合又發功，今場輪到約基利斯交助攻畀伊沙克入波，最終瑞典贏2比1鎖定升班。
「人氣王」約基利斯近7場入12球，伊沙克亦連續5場比賽入波，兩人都係歐洲當時得令嘅射手，加上今季英超「創造王」古路施夫斯基任進攻中場，瑞典進攻線相當豪華，絕對值得喺更高級別聯賽角逐，領隊湯馬臣賽後亦表示：「能夠擁有咁多頂級前鋒係榮幸，我哋已經準備好喺更大嘅舞台表演。」
