東網電視
更多新聞短片
哈利卡尼銅像終於面世。
帶領英格蘭喺歐國聯成功升班後，隊長哈利卡尼周一(18日)喺倫敦為佢自己嘅銅像揭幕，不過呢個擺喺倉底5年嘅銅像，曝光後受到一致劣評，大部網民直斥設計「醜樣」，但哈利卡尼仍表示為呢個殊榮感到驕傲。
呢個銅像周一喺倫敦東部、哈利卡尼細個加入嘅足球訓練中心揭幕，據報銅像造價為7,200鎊，而且5年前已經整好，但因為市政廳搵唔到合適地方安放，結果一直擺喺倉庫，直至依家終於重見天日。不過呢個銅像被網民批評造型古怪、醜樣，甚至被指「哈利卡尼唔會開心」、「浪費公帑」。
實情係，專程為銅像開幕嘅哈利卡尼非常開心，呢位拜仁慕尼黑前鋒表示：「呢個係真正光榮嘅時刻，我返去自己足球事業起步嘅地方，為自己銅像揭幕，我希望可以激勵新一代同年青人，努力練習同相信自己。」
