特事特辦　意甲增設「世冠轉會窗」

下屆世冠盃將於明年6月15日至7月13日喺美國舉行，意甲賽會為咗方便參賽球隊增兵出戰呢項大賽，特別安排明年6月1日至10日增設轉會窗，即使冇份參加世冠盃嘅球隊都可以喺呢段時間進行轉會交易。

世冠盃將由7支參賽球隊，大幅擴軍至32隊，國際足協10月初已宣布，明年增加一個特別轉會窗，時間為6月1日至10日，但只畀有份參加世冠盃嘅隊使用。意甲賽會現時亦仿傚，並容許全部20支意甲球隊使用。

意甲只有國際米蘭、祖雲達斯獲得明年世冠盃參賽資格，變相帶挈另外18支意甲球隊多一個轉會窗時段。