艾摩廉有「秘密武器」　提拔19歲天才幫手

曼聯新帥魯賓艾摩廉將於嚟緊周一(25日)凌晨英超首次率領紅魔鬼比賽，作客葉士域治，呢位葡萄牙少帥近日主持操練時，提拔青年軍19歲小將積克京頓一齊訓練，呢位新星有望進入今場大軍名單候命。

由於曼聯多位球星早前離隊踢國際賽，魯賓艾摩廉搵來多位青年軍培練波，眾主力周四(21日)已歸隊，但周五(22日)操練期間，積克京頓仍然獲留用，可見魯賓艾摩廉非常欣賞呢位中堅。

事實上，曼聯3位中堅哈利馬古尼、利辛度馬天尼斯、域陀連迪路夫都有傷在身，將積克京頓加入大軍名單，可以應付燃眉之急。

積克京頓潛力優厚，協助曼聯U18成為上季三冠王，今夏獲得職業合約，並提升上紅魔鬼U21，依家好大機會晉身曼聯一隊。