雲尼斯奧斯受傷抖3周　無緣鬥利物浦

皇家馬德里今季傷兵一個接一個，周四(28日)凌晨歐聯作客利物浦前，球會證實巴西前鋒雲尼斯奧斯祖利亞大腿受傷缺陣，消息指佢要養傷3個星期，缺席6場大戰。

雲尼斯奧斯喺上場對雷加利斯踢足90分鐘，但賽後出現不適，檢查發現左腳大腿肌肉受傷，雖然皇馬未有透露傷勢詳情，但《阿斯報》就踢爆呢位前鋒將要休息3個星期，除咗下場作客利物浦缺陣，未來4場西甲對基達菲、畢爾包、基羅納同華歷簡奴，以及歐聯對阿特蘭大都好大機會踢唔到。

雲尼斯奧斯喺對雷加利斯前，連續為巴西踢足2場世盃外賽事，呢位前鋒受傷後就發文炮轟國際足協：「瘋癲嘅賽程，依家要展開康復療程。」