東網電視
更多新聞短片
意甲3雄齊奏凱歌。(Getty Images)
意甲球隊喺周三(27日)凌晨歐聯非常風光，國際米蘭、AC米蘭同阿特蘭齊齊贏波，其中國米主場1比0擊敗RB萊比錫，今屆5戰4勝1和兼未失1球，防守力相當驚人！
國米今場靠對手卡斯迪路盧基巴擺烏龍，主場小勝1比0，創下球會史上首次連續4場歐聯派蛋贏波紀錄，連同首輪0比0打和曼城，今屆5輪比賽仲未失過1球波。國米門將恩尼森馬表示：「唔失波係全隊努力嘅成果，作為龍門係好好嘅體驗，我哋要繼續保持呢種專注。」
另一米蘭球隊AC米蘭同樣贏波，憑住譚美阿巴謙1傳1射，作客3比2擊敗施洛雲，歐聯3連勝後重燃出線希望。不過意甲最威水非阿特蘭大莫屬，佢哋作客6比1大炒瑞士球隊年青人，其中基迪拿尼交出2入波同3次助攻，係意甲史上首個喺歐聯單場貢獻5個入波嘅球員，認真犀利。
