東網電視
更多新聞短片
哥迪奧拿面部出現多條傷痕。
曼城近期狀態跌落谷底，連續6場賽事不勝，喺歐聯領先飛燕諾3球都贏唔到，領隊哥迪奧拿陷入執教生涯最大危機。哥帥喺對飛燕諾賽後，被影到個光頭出現多條抓痕，鼻哥更加被抓損流血，佢被記者問到嗰陣竟語出驚人：我想自殘！
曼城喺最後15分鐘被飛燕諾狂追3球，哥迪奧拿喺場邊睇到勁緊張，疑似肉緊過頭整傷自己，賽後受訪嗰陣明顯滿頭傷痕，有記者問到點解會受傷，哥迪奧拿笑笑口咁解釋：「係我隻手指、我嘅指甲......我想傷害自己。」
有記者想安慰哥帥話：「一切都會OK」，不過哥迪奧拿講完已經起身走人。相比起曼城依家嘅「受傷」，相信哥迪奧拿更加希望球隊表現「OK」，佢哋下周一(2日)凌晨就要喺英超作客利物浦，想保住爭冠希望係不容有失。
